GRUPO COMPLETO. Para inscribirse na lista de reserva, envía un correo a secretaria@sondaqui.gal.
O perfil do alumnado podería variar entre nenos/as de diversas idades ate adultos (recomendamos unha idade mínima de 7 – 8 anos polas esixencias físicas do instrumento, xa que implicaría a adquisición dun adaptado para nenos de menor idade). Non é necesario un coñecemento musical teórico práctico previo pois a dinámica das clases e do instrumento son adaptables. Recoméndase a adquisición dun instrumento, para un mellor aproveitamento das clases, aínda que o profesor pode facilitar algún durante o horario establecido.
As clases centraranse na súa meirande parte na aprendizaxe personalizada. O repertorio impartido centrarase, fundamentalmente, en pezas tradicionais galegas, facendo fincapé nas propias do acordeón e do canto, aínda que tamén se incluirán pezas tradicionais doutras partes do mundo. Explicaranse diversos elementos de técnica interpretativa e daranse exercicios prácticos adaptados ao nivel e evolución de cada alumno. Aportaranse diversos materiais fotográficos, de lectura e de audio para unha achega ao coñecemento da mecánica e historia do instrumento.
Tratarase de reservar certo tempo das clases para o ensaio e creación de combos entre os propios alumnos de acordeón ou, dentro da medida do posible, con outros instrumentos propios de outras clases da mesma asociación.
Promoverase a realización e asistencia do alumnado a diversos eventos musicais (foliadas, cantos de taberna, galas, concertos, etc.) coa fin de poñer en práctica o aprendido nas aulas e de interactuar con outros músicos.
Horario: As clases serán os martes pola tarde e terán unha hora de duración. O mestre fará os grupos en función da demanda existente e agrupando ao alumnado por tipo de acordeón (piano/diatónico):
– 19:30 a 20:30 h. – Grupo 1
– 20:30 a 21:30 h. – Grupo 2.
Lugar: CEIP Eusebio da Garda (Praza Pontevedra)
Mestre: Alberte Núñez
Prezo mensual: 25 euros (socios/as*). Non socios/as: 50 euros.
* A cota anual de socio/a de Son d’aquí son 4 euros/mes (a cota divídese en dous pagos semestrais).
Os horarios das escolas poden sufrir lixeiras variacións en función das necesidades do grupo.
GRUPO COMPLETO. Para inscribirse na lista de reserva, envía un correo a secretaria@sondaqui.gal.
PREME AQUÍ e INSCRÍBETE AGORA!
PRAZAS LIMITADAS!
